ભારત - પાકિસ્તાન વચ્ચે ચાલી રહેલા તણાવને લઇ શું બોલ્યા ડોનાલ્ડ ટ્રમ્પ ? .. હુમલા વિશે કહ્યુ કે... .

ભારત – પાકિસ્તાન વચ્ચે ચાલી રહેલા તણાવને લઇ શું બોલ્યા ડોનાલ્ડ ટ્રમ્પ ? .. હુમલા વિશે કહ્યુ કે… .

અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે પહેલગામમાં થયેલા આતંકી હુમલાની આકરી નિંદા કરી હતી અને તેને ‘ખૂબ જ ખરાબ હુમલો’ ગણાવ્યો હતો. એરફોર્સ વન પ્લેનમાં પત્રકારો સાથે વાત કરતા તેમણે કહ્યું કે ભારત અને પાકિસ્તાન પોતાના સ્તરે આ સ્થિતિનો ઉકેલ લાવશે. તેણે કહ્યું, ‘હું ભારત અને પાકિસ્તાનની પણ ખૂબ નજીક છું… જેમ તમે જાણો છો. કાશ્મીરને લઈને બંને વચ્ચે વર્ષોથી લડાઈ ચાલી રહી છે. કાશ્મીરનો મુદ્દો વર્ષોથી છે. જે આતંકવાદી હુમલો થયો તે ખૂબ જ ખરાબ હતો, ખૂબ જ ખરાબ હતો.

જ્યારે તેમને કાશ્મીર મુદ્દા અને ભારત અને પાકિસ્તાન વચ્ચે લાંબા સમયથી ચાલી રહેલા તણાવ વિશે પૂછવામાં આવ્યું ત્યારે તેમણે જવાબ આપ્યો, ‘તે સરહદ પર વર્ષોથી તણાવ છે. તે હંમેશા આવું રહ્યું છે. પરંતુ મને ખાતરી છે કે તેઓ એક યા બીજી રીતે તેનો ઉકેલ શોધી લેશે. હું બંને નેતાઓને ઓળખું છું, ભારત અને પાકિસ્તાન વચ્ચે ખૂબ જ તણાવ છે, પરંતુ હંમેશા આવું જ રહ્યું છે. અગાઉ ડોનાલ્ડ ટ્રમ્પે વડાપ્રધાન નરેન્દ્ર મોદી સાથે ફોન પર વાત કરી હતી અને આતંકવાદી હુમલાની આકરી નિંદા કરી હતી અને કહ્યું હતું કે તેઓ ભારતને સંપૂર્ણ સમર્થન આપશે. તેમણે આ ‘જઘન્ય હુમલા’ના ગુનેગારોને ન્યાય અપાવવામાં ભારતના સમર્થનની ખાતરી આપી છે.